Digitála beassu sámi kulturárbearkiivvaide

Sámi kulturárbemateriálat gávdnojit dál máŋgga sierra arkiivvas ja čoakkáldagas, go historjjálaš sivaid geažil gálvvut leat vurkojuvvon maiddái Eurohpa museaide ja čoakkáldagaide. Digitála beassu sámi kulturárbearkiivvaide (Digital Access to the Sámi Heritage Archives) -prošeavttain figgat buoridit sámi kulturárbbi juvssahahttivuođa. Prošeavttas duddjot teknihkalaš čovdosa geavahahtti ja intuitiivvalaš geavahanlavttain, mainna gávdnat dieđu ja materiálaid sámi kulturárbbi birra iešguđetge arkiivvain ja čoakkáldagain álkit ja oktanaga. Beassu sámi kulturarkiivvaide lea dehálaš kultuvrralaš ealáskahttinbargguide, ja beroštahtti sihke sámi servvodahkii ja priváhtta sektorii, ja ii-sápmelaš geavaheaddjiide geat leat beroštuvvan sámi kultuvrras.

Prošeavttas duddjot ođđa teknihkalaš čovdosiid, máhcahit dieđu kulturárbbi birra ruovttoluotta sámi servošiidda ja eará geavaheaddjiide, ja hábmet ehtalaš rávvagiid arkiverejuvvon kulturárbemateriálaid geavaheami várás, ja dainna lágiin figgat buoridit sámi kulturárbbi juvssahahttivuođa sámi arkiivvain.