Buoridit juvssahahttivuođa
Digitála beassu sámi kulturárbearkiivvaide -prošeakta duddjo geavaheaddjiide vuogas ohcanportála sámi kulturárbái guoski dieđuid gávdnamii iešguđetge eurohpalaš digitála arkiivvain. Dat dahká arkiverejuvvon dieđuid dutkama álkibun beroškeahttá arkiivva fysalaš sajis.
Prošeakta čađahuvvo máŋgga sierra doaibmi ovttasbargun, ja buohkain lea iežas rolla bálvalusa duddjomis. Suoma ja Norgga álbmotlaš sámi arkiivvat kártejit iešguđet arkiivvaid davviriikkain ja Eurohpás maidda sámiide guoski materiálat leat vurkejuvvon. Oulu universitehtasges lea ovddasvástádus teknihkalaš ovddidan- ja implementerenbarggus. Ubmi universitehta Ruoŧas hábme geavahanlavtta ohcanportálii ja iskkada dan geavahahttivuođa ja dutká maid eará geavahanlaktačovdosiid ovttas Lappi universitehtain. Lappi universitehtas lea ovddasvástádus kulturárbemateriálaid geavaheami ehtalaš rávvagiid hábmemis.
Ohcanportála geavahanlakta ráhkaduvvo eŋgelas- ja davvisámegillii, muhto dan sáhttá maid maŋŋel jorgalit eará gielaide. Prošeavtta loahpabealde mii piloteret ohcanreaiddu sámeservoša lahtuiguin Norggas, Ruoŧas ja Suomas.
Arkiivat ja eará muitoásahusat, fuomáš:
Jus it leat ožžon min jearahallan skovi, muhto áiggošit, sáddes dieđu Ekaterina Sujala (ekaterina.sujala(at)arkisto.fi) dahje Nils-Johan Eira (nileir(at)arkivverket.no).
Ovdamearkkat arkiivamateriálain
